<$BlogRSDUrl$>

sunnudagur, júní 17, 2007

Hæ. Ég var að sækja filmur úr framköllun í fyrsta sinn í ameríku. Fann kósí og gæðalegan stað þar sem ég fæ stúdenta afslátt. Það er skrítið að skrifa á íslensku afþví ég er búin að tala amerísku á hverjum degi í 5 mánuði. Ég fer heim eftir 10 daga. það er óhugnlegt og ótrúlega spennandi. ég vil helst ekki hugsa um það afþví það stressar mig og það eru 3 manneskjur hérna sem ég á eftir að sakna gríðarlega mikið. 2 þeirra eru á þessari filmu, sá þriðji kemur á þeirri næstu sem ég framkalla. mig langar í góða ensk íslenska / íslensk enska orðabók, svona alvuru stóra og þykka bók, en ég yrði að finna hana hér afþví það er erfitt að bera svoleiðis yfir atlantshafið.

allavega. Þessar myndir eru af myndavélinni minni annarsvegar og úr einnota lomo colorsplash vél hinsvegar njótið vel.

Uppáhalds systir mín með uppáhalds frænku mína í maganum, myndað í jólafríinu.


Rachael í Washington Square Park á einum af fyrstu góðviðrisdögunum. Við sátum í gosbrunninum og töluðum lengi um mikilvæga hluti.


Mona í fyrrverandi eldhúsinu okkar. Rachael Bjó ekki með okkur en hún var alltaf þar. Þarna stendur hún inná baði fyrir framan leiðbeiningar um hvernig á að meðhöndla túrtappa og getnaðarvarnir. Ég sakna óviðeigandi (eða kanski gríðarlega viðeigandi?) baðherbergisskreytinga.


Mona bakaði alltaf afmælisköku þegar einhver á hæðinni okkar á heimavistinni átti afmæli. Þessi kaka var handa Pat sem bjó hinumegin við ganginn. Hann talaði aldrei um annað en hversu mikið hann hatar ameríku og forsetann þannig við ákváðum að láta hann borða fánann.


Charlie fyrir framan glæsilegu eldhúsveggskreytinguna sem ég bjó til einn morgun.


Ég fór á I Adapt tónleika New York. Þeir spiluðu á litlum stað sem heitir ABC no rio og er rosa hress. Ég hafði farið þar áður á pönktónleika með morgan vini mínum. Þar var skrítið og mjög gaman að sjá amerísku krakkana missa sig yfir einhverju sem ég var að missa mig yfir fyrir 5 árum.


"it's not possible for icelandic people to be hipsters, they're too cool" -amerískur pönkari


Eric. Pikknikk í Union Square Park.




-------

lomo:

Hrafnhildur kom í heimsókn þegar ég var í vorfríi. Einn daginn þegar við vorum að labba um og versla ákváðum við að borða á sveittasta amersískasta stað sem við fundum. það var hresst, maturinn var frekar slæmur og mjög sveittur.


Góðar stundir á heimavistinni með Daniel og Hrafnhildir:


Andrew í fyrrverandi eldhúsinu mínu. Við ætlum að búa saman í haust.


Hrafnhildur er alltaf glamúrus.


Eric í fyrrverandi herberginu sínu.


glamúrskot af eric uppi á þaki hjá annie:


bjórar og fliss uppi á þaki hjá annie:


Adrian og Mark. Adrian reynir að telja fólki trú um að hann sé gagnkynhneigður. þessi klæðnaður er ekki að hjálpa.


"Hey girl heeeyyyy". Finnanum lýst ekkert á þetta.


Vafasamar partímyndir af Morgan.

föstudagur, maí 25, 2007

Hérna eru nokkrar myndir sem gleymdist að setja upp á þessa síðu þegar ég framkallaði síðast. annars er minna að gerast í ljósmyndalífi Júlíu en ég hefði óskað mér. Einhverstaðar er fljótandi kláruð filma og einnota myndavél sem þarf að framkalla. Ég er búin að finna góða stofu en þarf bara að nenna að fara þangað. eh.

stafræna myndavélin hvarf mér til mikillar sorgar, ætli ég fari ekki og kaupi nýja bráðum. ekkert fancy. Ég á eitthvað af stafrænum myndum sem ég gæti mögulega skellt saman í einhevrskonar "fyrsta árið í njú jork" post þegar ég fer heim til íslands í júlí. Talanid um ísland, ég hlakka agalega til að koma heim, eins mikið og ég elska sumarið í New York. Ég hlakka til að hitta fólkið sem er á þessum myndum:


Þarf ég að segja eitthvað meira?


hálf fyndin mynd af algóðu fólki.


hún er glæsileg dama hún Vera.


Tobbi fæddist árið 1984.


Aldís er engu síður glæsileg.


Þetta er Siri. hún bjó á íslandi sumarið 2006. Ég veit ekki hvenar ég mun sjá hana aftur en vona að það verði einhvertíman.

---

Á næstu önn fer ég í web design kúrs. þá get ég kanski galdrað einhverja sniðugri hýsingu fyrir ljósmyndirnar mínar. þið getið fylgst spennt með. eða fylgst róleg með. allavega, fylgist með.

fimmtudagur, janúar 18, 2007

Ég byrjaði að skrifa þessa færslu á keflavíkurflugvelli meðan ég beið eftir að fara um borð í vélina mína til New York, en núna var ég að vakna eftir fyrstu nóttina mína á níundu hæð loeb hall (sem er dormið mitt á 12. götu manhattan fyrir þá sem eru í myrkrinu). Til hamingju með að vera að lesa fyrstu færsluna mína sem skrifuð var í 2 löndum.

Jólafríið á íslandi var dásamlegt en mér finnst samt einsog síðastliðna nótt hafi ég verið að sofa vel í fyrsta skipti í fríinu, þar sem ég lá andvaka á hverju kvöldi heima í herberginu mínu allt fríið en sofnaði einsog steinn strax hérna í NY í gærkveldi. Ég held það tengist eitthvað geimfarakoddanum mínum og hávaðanum á götunum hérna. hann er svo svæfandi, eins mikil mótsögn og það er. Sofnaði svo fast að mér tókst að svara í símann án þess að vakna, en eftir að morgan vinur minn hafði talað í svolitla stund og ég var farin að ranka við mér sagði ég bara "hver er þetta?? og afhverju ertu að tala útlensku??"

Ég viðurkenni fúslega að ég er skíthrædd við að byrja aftur í skólanum, aðalega vegna mikillar ólukku með stundartöfluna mína. ég fékk alla afgangs kúrsana, analytical drawing gé hjálpi mér.

Ég veit að ég skrifa vanalega ekki svona mikið hérna, en það er voða lítið annað að gera en skrifa og hafa áhyggjur þegar maður er vaknaður kl 10 og þeir fáu sem eru komnir heim á dorm eru enn sofandi. Ætli ég klári ekki að pakka upp á eftir, tilkynni mig til útlendingaskrifstofunnar og skelli mér kanski í nokkur dansspor og félagskap í brooklyn í kvöld.

ég borðaði svo yfir mig af ódýru og gómsætu sushi í gær að ég held ég sé ennþá södd.

en hérna eru nokkrar myndir sem ég fékk framkallaðar heima á íslandi. horfið og njótið.





















This page is powered by Blogger. Isn't yours?

Weblog Commenting and Trackback by HaloScan.com